(បិទទទួលពាក្យ) ប្រកាសជ្រើសរើស «មូលនិធិដាំដុះ»

អង្គការសិល្បៈខ្មែរអមតៈមានសេចក្តីរីករាយ នឹងប្រកាសបើកមូលនិធិ «ដាំដុះ» សរុបរហូតដល់ «៥» កន្លែង ដល់សិល្បករ និងអ្នកបម្រើការងារ​ក្នុង​វិស័យ​សិល្បៈ និង​វប្បធម៌ ដើម្បីយកទៅអនុវត្តគម្រោងរបស់ខ្លួន។​ មូលនេះត្រូវបានបង្កើតឡើងដើម្បីគាំទ្រសិល្បករ និងអ្នកបម្រើការងារក្នុងវិស័យសិល្បៈ និង​វប្បធម៌​ សម្រាប់គាំទ្រអ្នកដែលទើបចាប់ផ្តើមការងារក្នុងគំនិតផ្តួចផ្តើម ឬពិសោធន៍គម្រោងរបស់ខ្លួន។ ពួកគាត់​អាច​ស្នើសុំមូលនិធិនេះដើម្បីគាំទ្រគម្រោងទាំងមូល ឬដំណាក់កាលណាមួយនៃគម្រោងរបស់ខ្លួន។ គម្រោង​ទាំង​នោះដូចជា៖ អភិវឌ្ឍគម្រោងច្នៃប្រឌិតថ្មីៗ គម្រោងសិល្បៈសហគមន៍ គម្រោងស្រាវជ្រាវ តន្រ្តីដែល​ប្រ​ឈម​​នឹង​ការ​បាត់បង់ គម្រោងស្រាវជ្រាវទាក់ទងទៅនឹងសិល្បៈវប្បធម៌កម្ពុជា។

គោលបំណងរយៈពេលវែងនៃ មូលនិធិ គឺផ្តោតសំខាន់ជាពិសេសទៅលើ គំនិតច្នៃប្រឌិត និងភាពជាអ្នកដឹកនាំ។​មូលនិធិនេះបើកទូលាយចំពោះគ្រប់ទម្រង់សិល្បៈ លើកលែងតែ​ការដំឡើងស្នាដៃសិល្បៈទស្សនីយភាព។

«មូលនិធិដាំដុះខ្នាតតូចសម្រាប់គម្រោងជាកត្តាជំរុញមួយដែលបានផ្តល់ការឧបត្ថម្ភគាំទ្រ និងជួយសម្រួលយ៉ាងខ្លាំងដល់ដំណើរការការងារស្រាវជ្រាវរបស់ខ្ញុំពីឧបករណ៍ភ្លេងជនជាតិដើមភាគតិច ឱ្យខ្ញុំមានឱកាសកត់ត្រា និងចងក្រងសម្រាប់យុវជនជំនាន់ក្រោយ។» ទីវ ស៊ីម, អ្នកទទួលបានមូលនិធិដាំដុះសម្រាប់គម្រោងមកពីខេត្តរតនគីរី

រៀបចំដោយ៖

ផ្ដល់មូលនិធិដោយ៖