បង្កើតឡើងក្នុងឆ្នាំ  ១៩៩៨ ដោយ​​តន្ត្រីករ អតីត​​ជន​​រង​​គ្រោះ​​ពី​​របប​​ប្រល័យ​ពូ​ជ​​សាសន៍​​ខ្មែរ​​ក្រហម និងជាសកម្មជនសិទ្ធិមនុស្ស គឺ លោក អាន ចនផន។ នៅក្នុងឆ្នាំ ២០១២ អង្គការសិល្បៈខ្មែរអមតៈបានបើកថ្នាក់បង្រៀនសិល្បៈចំនួន ២៧ ថ្នាក់នៅទូទាំងខេត្តចំនួន ៩ មានសិស្សចំនួន ១០០០ នាក់ចូលរួម ហើយបានបង្រៀនសិល្បៈចំនួន ១២ ទម្រង់ផ្សេងគ្នា។

បន្ទាប់ពីបានធ្វើការងារលើការស្តារឡើងវិញ និងថែរក្សាទម្រង់សិល្បៈបុរាណដែលស្ទើរតែបាត់បង់ដោយជោគជ័យ យើងបានផ្លាស់ប្តូរគោលដៅរបស់យើងដើម្បីកសាងនិរន្តរភាព និងគាំទ្រដល់យុវជនជំនាន់ថ្មីក្នុងវិស័យសិល្បៈ។ នៅក្នុងដំណាក់កាលនេះ យើងបានចាប់ផ្តើមផ្តល់អាហារូបករណ៍ អាហារូបករណ៍ទស្សនវប្បធម៌ និងការបណ្តុះបណ្តាលលើការអភិវឌ្ឍវិជ្ជាជីវៈព្រមទាំងបង្កើតឱកាសការងារផងដែរ។ ដើម្បីគាំទ្រដល់បិរកាសនៃការផ្លាស់ប្តូរ អង្គការសិល្បៈខ្មែរអមតៈក៏បានចូលរួមក្នុងកិច្ចការតស៊ូមតិលើគោលនយោបាយវប្បធម៌ គាំទ្រដល់ការអភិវឌ្ឍការអប់រំវប្បធម៌ និងសិល្បៈនៅក្នុងសាលារដ្ឋ និងបានកសាងទស្សនិកជនថ្មីៗសម្រាប់សិល្បៈ។

ចាប់តាំងពីឆ្នាំ ២០១៧ មក យើងក៏បានផ្តោតលើការបញ្ចេញមតិប្រកបដោយភាពច្នៃប្រដិត្ឋ ជំរុញភាពច្នៃប្រដិត្ឋក្នុងចំណោមសិល្បករជំនាន់ថ្មី បង្កើតមូលនិធិខ្នាតតូច រៀបចំសិក្ខាសាលាលើជំនាញច្នៃប្រតិដ្ឋ និងគាំទ្រការបង្កើតស្នាដៃថ្មី។

បច្ចុប្បន្ន យើងបានវិវឌ្ឍតួនាទីយើងយ៉ាងពេញលេញជាអ្នកផ្តល់មូលនិធិ និងជាកត្តាជំរុញក្នុងការពង្រឹងភាពច្នៃប្រតិដ្ឋ និងការបញ្ចេញមតិតាមរយៈការផ្តល់មូលនិធិជាច្រើន ទៅដល់សិល្បករ និងអ្នកដឹកនាំក្នុងវិស័យសិល្បៈ ក្នុងគោលដៅដើម្បីបង្កើតជាប្រព័ន្ធអេកូសិល្បៈមួយដែលមានសក្តានុពលល្អសម្រាប់សង្គមកម្ពុជា។