រៀងរាល់ឆ្នាំ សិល្បៈខ្មែរអមតៈតែងតែនាំយកព្រឹត្តិការណ៍សិល្បៈវប្បធម៍មួយមកបង្ហាញជាសាធារណៈដល់ទស្សនិកជនគឺ «កម្មវិធីរដូវវប្បធម៍»។ កម្មវិធីនេះមានរយៈពេលបីខែដោយផ្ដល់ឱកាសឲ្យសិល្បករបានបង្ហាញស្នាដៃបង្កើតថ្មីដូចជា របាំ ល្ខោន តន្ត្រី ការតែងនិពន្ធ និងពិព័រណ៍ទៅដល់ទស្សនិកជនជាដើម។ លើសពីនេះក៏មានកិច្ចពិភាក្សា និងសិក្ខាសាលាដែលបង្កើតឲ្យមានបរិយាកាសផ្លាស់ប្ដូរគំនិតយោបល់ និងចូលរួមសកម្មភាពសិល្បៈបែបច្នៃប្រឌិតរវាងសិល្បករ ទស្សនិកជន និងអ្នកដឹកនាំដែលមានសក្ដានុពលក្នុងវិស័យសិល្ប៖ផងដែរ។
នៅពេលដែលសិល្បៈខ្មែរអមតៈប្រកាសជ្រើសរើសស្នាដៃសិល្បៈ យើងតែងតែលើកទឹកចិត្តឲ្យពួកគេបង្កើតអ្វីដេលថ្មី និងមានភាពច្នៃប្រឌិតដែលស្របទៅតាមប្រធានបទនៃកម្មវិធីរដូវវប្បធម៍ «ទង្វើថ្ងៃនេះ ផលតបស្នងថ្ងៃស្អែក»។
គ្រប់សកមក្មភាព មិនថាតូច ឬធំ តែងតែមានផលប៉ះបាល់ ដូចជាពេលអ្នកសម្រេចចិត្តជិះម៉ូតូឌុប ខណៈដែលអ្នកសម្រេចចិត្តដាក់ពាក្យអាហារូបករណ៍ទោរៀននៅបរទេស តើនឹងមានផ្លាស់ប្ដូរជីវិតរបស់អ្នក? តើនឹងមានផលប៉ះបាល់អ្វីខ្លះទោដល់មនុស្សជុំវិញខ្លួនរបស់អ្នក? ហើយចុះទម្រាំតែការសម្រេចចិត្តធំៗសម្រាប់ពួកយើង តើអាចមានផលប៉ះពាល់អ្វីខ្លះទៅដល់មនុស្សជំនាន់ក្រោយ?
យើងជឿជាក់ថាពេលដែលអ្នកបានមកចូលរួមកម្មវិធីរដូវវប្បធម៍ អ្នកអាចនឹងរកឃើញអ្វីមួយដើម្បីធ្វើជាកញ្ចក់ឆ្លុះបញ្ចាំង ឬស្វែងរកគំនិតថ្មីៗ សម្រាប់ខ្លួនឯងតាមរយៈសកម្មភាពសិល្បៈក្នុងកម្មវិធីរដូវវប្បធម៍នេះ។ ប្រសិនបើអ្នកចង់ឈ្វេងយល់បន្ថែម សូមកុំភ្លេចចូលរួមព្រឹត្តិការណ៍សិល្បៈវប្បធម៍ទាំងអស់គ្នាដើម្បីជួយគាំទ្រទៅដល់សិល្ប់វប្បធម៍ និងសិល្បករផងដែរ។
កម្រងរូបភាពពីកម្មវិធីរដូវប្បធម៌ឆ្នាំ ២០២២
